SAHAR

Səudiyyə Ərəbistanının hərbi təyyarələrinin Yəmənin 5 vilayətinə qarşı hücumlarında onlarla insan ölüb və yaralanıb.

Yəmənin Əl-Məsirə telekanalının internet portalının verdiyi məlumata görə, Səudiyyə Ərəbistanının qırıcı-bombardımançı təyyarələri dünən ölkənin şimal-qərbində yerləşən Həccə vilayətini 11 dəfə bombalayıblar. Məlumatlara görə bu hücumda bir neçə nəfər ölüb və yaralanıb. 

Ərəbistan qırıcıları Həccə vilayətinin Midi şəhərinin təsisatlarını, eləcə də yaşayış məntəqələrini bombalayıblar. 

Amerikanın dəstək verdiyi Səudiyyə Ərəbistanının Yəmənə hərbi təcavüzü nəticəsində indiyədək 11 min yəmənli həlak olub, on minlərlə insan yaralanıb və milyonlarla yəmənli öz ev-eşiyindən didərgin düşüb.