Terrorçu İŞİD qrupu bu gün səhər çağı İraqın Neynəva vilayətinin qərbindən olan didərginləri Suriya sərhədlərinə doğru qaçarkən İslibi keçidində qətlə yetirib.

İRNA-nın verdiyi məlumata görə, İraq parlamentinin təhlükəsizlik və müdafiə komisiyasının üzvü Nayif Əşşimri bir bəyanatda bu xəbəri verərək İraq dövlətindən Suriya ərazisindəki didərginlərin İraqa köçürülməsi və onların əzab-əziyyətlərinin azaldılması üçün lazımı tədbirlər görməsini istəyib. 

İraqın Nina xəbər agentliyi də iraqlı mənbələrə istinadla bildirib ki, terrorçu İŞİD qrupu Mosulun şimalında Əl-Mühəndisin məhəlləsində bir ibtidayi məktəbi raketlə hədəfə alaraq 5 nəfəri qətlə yetirib ölənlərdən 3-ü məktəblidir. 

İŞİD terrorçuları şimal vilayətlərdə İraq qüvvələri qarşısında ardıcıl məğlubiyyətlərdən sonra İraqın müxtəlif şəhərlərində mülki əhalinin qırğın edilməsini şiddətləndiriblər.