SAHAR

İŞİD terror qrupu digər bir cinayətdə bu qrupun işğalı altında olan Mosul şəhərinin qərbindən qaçmaq niyyətində olan 17 ailənin üzvləri edam edib.

IRNA-nın məlumatına görə, İŞİD terror qrupunun ünsürləri Mosulun qərbində yerləşən Əlzəncəli məntəqəsinin "Əlbərkə" adlı yerli bazarında bu 17 iraqlı ailənin üzvlərini atəşə tutublar.

İŞİD terror qrupunun ünsürləri digər bir cinayətdə dünən gecə Mosulun şimal-qərbində yerləşən Əlhərmat məntəqəsində bir avtomobili partladıblar. Nəticədə bir nəfər ölüb, beş nəfər də yaralanıbdır.

İŞİD terrorçuları xüsusən Neynəva vilayətində iraqlı qüvvələrə dalbadal məğlub olduqdan sonra İraqın müxtəlif şəhərlərində mülkiləri qırğın etməyə üz tutublar.