Əfqanıstanın Qəndəhar vilayətində partlayış nəticəsində azı 6 polis həlak olub.

Sin-Xoa İnformasiya Agentliyinin məlumatına görə, bu gün səhər Qəndəhar vilayətində baş verən partlayışda 5 polis də yaralanıb.

Bu terror aktı barədə ətraflı məlumat yayımlanmayıb.

Amma Taliban qrupu bu terror aktının məsuliyyətini üzərinə götürüb.

Qəndəhar Əfqanıstanın cənubunda destabil vilayətlərdən biridir. Taliban üzvləri əsasən bu vilayətdə aktivdirlər.

Ötən bir neçə gündə Əfqanıstanın müxtəlif bölgələri, o cümlədən Kabil şəhərində ardıcıl partlayışlar baş verib. Nəticədə 120 nəfər həlak olub, 580 nəfər də yaralanıb.

İŞİD çərşənbə günü Kabildə törədilən terror aktının məsuliyyətini üzərinə götürüb.