Livanın Əl-Məyadin informasiya çərşənbə axşamı bəzi diplomatik mənbələrə istinadla, Qətər dövlətinin 4 ərəb ölkəsinin tələblərinə qeyri-rəsmi cavabının ilkin mətnini yayımlayıb.

Bu məlumata görə, Qətər Fars Körfəzi Əməkdaşlıq Şurasına üzv ölkələrin bu məsələdə sədaqətli olacaqları təqdirdə İran ilə diplomatik əlaqələrinin səviyyəsini azaltmağa hazır olduğunu bildirib. 

Qətər həmçinin, Fars Körfəzi Əməkdaşlıq Şurasına üzv ölkələrin o cümlədən Birləşmiş Ərəb Əmirliklərinin İran ilə öz iqtisadi əlaqələrini kəsəcəyi təqdirdə İran ilə iqtisadi əlaqələrini dondurmağa hazır olduğunu bildirib. 

Əl-Məyadinin verdiyi məlumata görə, Qətər bu ölkə ərazisində Türkiyə hərbi bazasının bağlanılmasını Fars Körfəzi Əməkdaşlıq Şurasına üzv bütün ölkələrin öz ərazilərindəki xarici ölkələrin hərbi bazalarının fəaliyyətini dayandırmaları ilə şərtləndirib. 

Doha həmçinin, terrorçu qruplaşmalar ilə hər hansı bir əlaqəyə malik olmadığını bildirərək, İxvanül-Müslimin (müsəlman birliyi) hərəkatının BMT tərəfindən terrorçu qəbul edilmiş qruplar siyahısında olmadığını elan edib. 

Qətər həmçinin, bu ölkəni mühasirəyə alan ölkələrə kompensasiyanın ödənilməsi tələbini rədd edərək, əslində bu ölkələrin Qətərə qarşı etdikləri "axmaq" hərəkətə görə Dohaya kompensasiya ödəməli olduqlarını bildirib.