SAHAR

Bu gün səhər əldə olunmuş razılığa əsasən, Cibhətunnusrə terrorçuları Ərsaldan İdlibə köçürüləcəklər.

Bu gün səhərdən icra olunan atəşkəs razılaşması Cibhətunnusrə terror qrupunun Livan Hizbullahının altıgünlük əməliyyatı nəticəsində bu ölkənin Ərsal və Suriyanın Əlqələmun yüksəkliklərində işğalı altında olan məntəqələrin doxsan beş faizini itirməsindən və məntəqədən çıxmağı qəbul etməkdən savayı bir yolunun olmamasından sonra əldə olunub.

IRNA-nın məlumatına görə, əldə edilmiş razılığa əsasən, bu terror qrupunun qüvvələri üç gün ərzində və tərif olunmuş bir keçid vasitəsilə Ərsaldakı Əlməlahi və Vadi Həmid məntəqələrindən Suriyanın İdlib şəhərinə köçürüləcəklər.

Həmçinin qarşıdakı iki gün ərzində terrorçuların əsirliyinə keçmiş Hizbullah qüvvələrindən beş nəfər azad ediləcək. Eləcə də Cibhətunnusrə ünsürlərinin ixtiyarında olan müqavimət qüvvələrindən dünyasını dəyişlənlərdən bir neçəsinin cənazəsi Hizbullaha təhvil veriləcəkdir.

Livanın Ərsal və Suriyanın Əlqələmun yüksəkliklərinin azad edilməsi əməliyyatı 2017-ci il iyulun 21-dən başlanıb və Lİvanın müqavimət qüvvələri Cibhətunnusrə terror qrupunun işğalı altında olan mövqelərin bir çoxunu azad etməyə müvəffəq olublar.

Bir çox analitiklər Suriya və Livanın sərhəd məntəqələrinin bir hissəsinin azad edilməsini terrorizmlə mübarizə yolunda mühüm bir hadisə hesab edirlər.

Livanın şərq yüksəkliklərinin azad edilməsi istiqamətindəki ikinci addım, Rəəs Bəəlbək və Əlqa məntəqələrində İŞİD-in işğalı altında olan məntəqələrin azad edilməsidir.