SAHAR

İraq ordusu və xalq qüvvələri Neynəva və Əl-Ənbar vilayətlərində həyata keçirilən 2 əməliyyat zamanı 48 İŞİD terrorçusunu öldürüblər.

İRNA-nın məlumatına görə, İraq ordusunun komandanlarından olan Cabbar Həsən deyib: İraq silahlı qüvvələri çərşənbə axşamı Neynəva vilayətində, Tələfər şəhərinin qərbində həyata keçirdiyi əməliyyat zamanı 26 terrorçunu öldürüb. 

İraqın Müdafiə Nazirliyi də bir bəyanat yayaraq, bildirib: İraq ordusu və xalq qüvvələri Əl-Ənbar vilayətinin qərbində, Reyhanə məntəqəsində həyata keçirdiyi əməliyyat zamanı 22 İŞİD terrorçusunu öldürüblər. 

İraq ordusu isə Əl-Ənbar vilayətində, Əkaşan məntəqəsində İŞİD terrorçuları tərəfindən qazılmış böyük bir tunelin aşkar edilməsindən xəbər verib.