Suriya ordusu Əl-Qürəytin şəhərini azad etdi
-
Suriya ordusu Əl-Qürəytin şəhərini azad etdi
Suriya dövlət televiziyası bu ölkə qüvvələrinin şənbə günü Homs vilayətinin cənub-şərqində yerləşən Əl-Qürəytin şəhərini azad etməsindən xəbər verib.
Suriyanın dövlət xəbər agentliyi SANA-nın verdiyi məlumata görə, bir qrup İŞİD terrorçusu Əl-Qürəytində Suriya ordusu ilə gedən döyüşlərdə öldürülüb.
27 sentyabrda 300 İŞİD terrorçusu Əl-Rəkban məntəqəsindən strateji əhəmiyyət daşıyan Əl-Qürəytin şəhərinə hücum edərək, bu şəhəri işğal etmişdilər.
Daxil olan məlumatlara görə, İŞİD terrorçuları ABŞ-ın başçılıq etdiyi beynəlxalq koalisiya ilə də əlaqəyə malikdirlər və ABŞ-ın Müdafiə Nazirliyi İŞİD-in işğalı altında olan ərazilərdə amerikan hərbi maşınların və hərbi təchizatların olduğunu sənədləşdirib. Digər tərəfdən isə ABŞ-ın başçılıq etdiyi beynəlxalq koalisiyanın helikopterləri İŞİD başçılarını xilas edərək, onları digər məntəqələrə köçürürlər.
