Yəmən ordusu Sənada Ərəbistan muzdlularının mövqeyini raketlə hədəfə alıb
Noy 14, 2017 16:57 Asia/Baku
-
Yəmən ordusu Sənada Ərəbistan muzdlularının mövqeyini raketlə hədəfə alıb
Yəmən ordusu və xalq komitələri paytaxt Sənanın Nehəm məntəqəsində Ərəbistan muzdlularının mövqeyini bir ədəd raket ilə hədəfə alıb, bir qrup təcavüzkarı öldürüb və yaralayıb.
Əl-Minar telekanalının verdiyi məlumata görə, Yəmən ordusu və xalq qüvvələri Ərəbistanın hücumlarına cavab olaraq, Əl-Cəvf vilayətində yerləşən Əl-Ğil şəhərində bir qrup təcavüzkarı öldürüb və yaralayıblar.
Bir başqa məlumata görə, Yəmənli qüvvələr Ərəbistan hərbçilərinin Cizan vilayətindəki Kərəs və Xəşəl hərbi bazalarına artilleriya zərbələri endiriblər.
Yəmən ordusu və xalq komitələri həmçinin, Nəcran vilayətində yerləşən Qəfal bazasına hücum edərək, bir qrup xarici muzdlunu öldürüb və yaralayıblar.
