Yəmənin siyasi məsələlər üzrə eksperti və fəalı mühasirə və təcavüzkar koalisiyanın bombardmanlarının davam etməsinə görə, bu ölkənin durumunu acınacaqlı adlandırıb və beynəlxalq ictimaiyyətin sükutunu tənqid atəşinə tutub.

Hüseyn əl-Bəxiti şənbə günü Press TV ilə müsahibədə milyonlarla yəmənlinin yaşamaq üçün təcili olaraq tibbi və dərman yardımlarına ehtiyaclı olduğunu bildirərək əlavə edib: Səudiyyə Ərəbistanı Yəməni mühasirəyə almaqla tibbi, dərman və ərzaq yardımlarının getməsinin qarşısını alır. 

Yəmənli siyasi fəal əsaslı vasitələrin Yəmənə göndərilməsi üçün beynəlxalq təşkilatlar, o cümlədən Beynəlxalq Qırmızı Xaç Komitəsinin Yəmən limanları və aeroportlarına mühasirənin tam şəkildə ləğv olunması üzrə tələblərinə toxunaraq deyib: Səudiyyə Ərəbistanı BMT, ABŞ və Britaniyanın dəstəyinə malik olduğu zamana qədər Yəmənin mühasirəsinin ləğvi üçün beynəlxalq təşkilatların müraciətləri heç bir nəticə verməyəcək.