Ali-Səud ifşaçısı Səudiyyə Ərəbistanında şahzadələrə aid olan 9 min bank hesabının dondurulmasından xəbər verib.

İRİB-in Livanın Əl-Əhd xəbər portalına istinadən verdiyi məlumata görə, Müctehid adı ilə Ali-Səud xanədanının pərdəarxası sirləri xüsusunda Tvitter səhifəsində məlumatlar yayan şəxs yazıb: Ərəbistanlı varlılar qorxuya düşüblər və bu ölkə banklarında misli görünməmiş hərc-mərclik müşahidə olunur. 

Müctehid bildirib: Səudiyyə Ərəbistanının bölgə rəhbərlərindən olan şahzadə Əbdül-Əziz Bin Fəhəd əmlakının müəyyənləşdirilməsindən sonra saraylardan birinə köçürülüb və Səudiyyə vəliəhdi Məhəmməd Bin Salman ona bütün var-dövlətini təhvil verəcəyi təqdirdə Səudiyyədən çıxmasına izn veriləcəyinə dair söz verib.