Ərəbistanlı jurnalist daha bir neçə səudiyə şahzadəsinin həbs edilməsindən xəbər verib.

Əl-Qüds Əl-Ərəbi qəzeti cümə gününə olan sayında ərəbistanlı yazıçı və  jurnalist Camal Qaşıqçıya istinadla yazıb: Daha bir qrup ərəbistan şahzadəsi tanınmış şahzadə və iş adamlarının dustaq olaraq saxlanıldığı "Ritz Karlton" otelinə daxil olub. 

Ərəbistanın baş prokuroru 6 dekabrda 320 şahzadə və iş adamının korrupsiya ilə mübarizə ittihamı ilə istintaqa cəlb edildiyini bildirmişdi. 

Ərəbistan başçıları Ər-Riyadın korrupsiya ilə mübarizə adlandırdıqları əməliyyat çərçivəsində 4 noyabr 2017-ci il tarixindən bir qrup tanınmış şahzadənin həbs edilməsi və onların mal varlıqlarının müsadirə olunması əməliyyatına başlayıblar. 

Analitiklərin nəzərinə görə, Ərəbistan şahzadələrinin həbs edilməsində məqsəd vəliəhd Məhəmməd bin Salmanın müxaliflərini zərərsizləşdirməkdir.