Yəmən Ənsarullahı Hərəkatının sözçüsü Yəmən xalqına qarşı Ərəbistanın cinayətlərinin artmasının əsas səbəbini Ali-Səudun ABŞ-ın dəstəyindən arxayın olması adlandırıb.

Fars Xəbər Agentliyinin məlumatına görə, Yəmən Ənsarullah Hərəkatının sözçüsü Məhəmməd Əbdüssalam bu gün bildirib: Ərəbistan ABŞ-ın dəstəyinə arxalandığı üçün Yəmən xalqına qarşı daha çox cinayətlər törədir. 

ABŞ-ın BMT-dəki nümayəndəsinin Yəmənin Ər-Riyada raket hücumu haqda açıqlamasına münasibət bildirən Məhəmməd Əbdüssalam deyib: ABŞ naümidliklə Ərəbistanı müdafiə edən vəkil olub. 

Yəmən Ənsarullahı Hərəkatının sözçüsü Ərəbistanın 70 nəfərin həlak olması və yaralanması ilə nəticələnən Yəmənin Təiz, Sədə və əl-Hüdəydə vilayətlərini bombalaması haqda deyib: Təəssüfləndirici haldır ki, Ərəbistanın müttəfiqləri yəmənlilərə humanitar yardımlar etdiklərini düşünürlər. 

Ərəbistan ABŞ, Birləşmiş Ərəb Əmirlikləri və bir neçə ölkənin dəstəyi ilə 2015-ci il mart ayından Yəmənə hücum edib. Eyni zamanda bu ölkəni quru, hava və dənizdən mühasirəyə alıb. Ərəbistanın Yəmən əleyhinə müharibəsi on minlərlə yəmənlinin həlak olması və yaralanması ilə nəticələnib.