Yəmən ordusunun havadan müdafiə qüvvələri və xalq komitələri Sədə vilayətində Səudiyyə Ərəbistanına aid olan bir ədəd hərbi təyyarəni vurublar.

Yəmənin rəsmi xəbər agentliyinin verdiyi məlumata görə, Yəmənin hava qoşunlarının komandanı İbrahim Əşşami bu hadisədən sonra deyib: Yəmənin hava qoşunlarının qələbələri davam edir. 

İbrahim Əşşami Səudiyyənin də Yəmənin havadan müdafiə gücünə etiraf etdiyi və onu təhdid adlandırdığını xatırladıb və deyib: Səudiyyənin hərbi təyyarəsinin vurulması, onun Sədə vilayəti səmasında olarkən dəqiq müşahidə edilməsindən sonra mümkün olub.

Yəmən ordusunun havadan müdafiə qüvvələri indiyədək təcavüzkarların çoxlu sayda təyyarəsini vurublar.