Sionist rejim hərbçiləri fələstinlilərə qarşı düşmənçilik hərəkətlərinin davamında İordan çayının qərb sahilinin müxtəlif bölgələrinə basqın edib və bir qrup fələstinlini saxlayıblar.

İRİB-in məlumatına görə, sionist rejim hərbçiləri Nablos şəhərində üç fələstinlini, Bəlatə düşərgəsində bir nəfəri, Nablosun ətrafında Harrə əl-Qoryon bölgəsində bir nəfəri həbs ediblər. Hərbçilərin Nablosun müxtəlif bölgələrinə basqını zamanı fələstinli gənclərlə böyük toqquşma baş verib. 

Əl-Əhd xəbər portalının məlumatına görə isə, İsrail rejimi hərbçiləri bu gün səhər İordan çayının qərb sahilində Qilqiliyə şəhərində üç fələstinli gənci həbs ediblər. 

Bu arada sionist hərbçilər Əbudis qəsəbəsinin Əs-Səvanə bölgəsində iki fələstinli gəncin mənzilinə soxularaq onları həbs ediblər.