Fələstinin səhiyyə nazirliyi İsrail hərbçilərinin atəş açması nəticəsində Qəzzə sərhədlərində 16 fələstinlinin ölməsi, yüzlərlə nəfərin isə yaralanmasından xəbər verib.

Fələstinin işğal edilməsinin 70-ci ildönümü günündə və ABŞ səfirliyinin Təl-Əvivdən Qüdsə köçürülməsi ilə bir vaxtda Fələstin xalqı ABŞ-ın bu addımına etiraz olaraq aksiya keçirib, öz torpaqlarına qayıdış haqqına təkid ediblər.

İRİB-nin verdiyi məlumata görə, Qəzzə zolağında İsrail hərbçilərinin atəş açması nəticəsində yaralananların sayı 512-yə çatıb. 

ABŞ prezidenti Donald Tramp 6 dekabr 2017-ci il tarixində bu ölkə səfirliyinin Təl-Əvivdən Qüdsə köçürülməsi haqda fərman imzalayaraq, Qüdsü rəsmən İsrailin paytaxtı olaraq tanıdı. Trampın fərmanına əsasən ABŞ səfirliyi bu gün rəsmi bir mərasimlə Təl-Əvivdən Qüdsə köçürülüb. 

Trampın Qüds əleyhinə qərarının ardınca indiyə kimi yüzdən çox 100 fələstinli sionist hərbçilər tərəfindən şəhid edilib.