ABŞ qırıcılarının Suriyanın Həsəkə vilayətinə hücumu nəticəsində azı 10 sivil həlak olub.

Suriyanın rəsmi informasiya agentliyi SANA-nın məlumatına görə, ötən gecə Suriyanın şimal-şərqində Həsəkə vilayətinin cənub ətrafında Ciza kəndinə olunan bu hücumda həlak olanların hamısının qadın və uşaqlar olduğu bildirilir.

ABŞ-ın başçılıq etdiyi beynəlxalq koalisiyanın qırıcıları ötən üç gün ərzində Həsəkə vilayətində bir neçə bölgəni bombalayıblar. Nəticədə 14 nəfər, o cümlədən 4 uşaq həlak olub.