İŞİD terrorçuları Əfqanıstanın şərqində Nəngərhar vilayətində bir məktəbin 3 gözətçisinin başını kəsiblər.

İRNA-nın verdiyi məlumata görə, Nəngərhar icra hakimiyyətinin mətbuat xidməti bir bəyanat yayaraq bildirib ki, terrorçu İŞİD üzvləri Xugiani rayonunda bir məktəbin 3 gözətçisinin başını kəsiblər və məktəbin kitabxanasını yandırıblar. 

Nəngərhar valisi təhlükəsizlik qüvvələrinə cinayətin səbəbkarlarını həbs etmək əmri verib. 

Terrorçu İŞİD qrupu Əfqanıstanda daha çox Nəngərhar vilayətində faaldır və indiyədək bu vilayətdə çoxlu cinayətlər törədib.