Birləşmiş Ərəb Əmirliklərindən qaçaraq, hazırda Qətərdə yaşayan ərəb şahzadəsi misilsiz bir hərəkətdə Birləşmiş Ərəb Əmirliklərindəki daxili çəkişmələri və əmirliklər arasındakı ixtilafları ifşa edib.

31 yaşlı BƏƏ-li şahzadə  və "Fucairə Əmirliyi" mədəniyyət və media mərkəzinin rəhbəri Raşid bin Həməd Əl-Şərqi 16 may tarixində Əbu-Dəbi rəhbərliyi ilə ciddi ixtilaflara malik olmasına və həyatının təhlükədə olmasına görə Doha şəhərinə sığınıb.

O, şənbə günü Nyu-York Tayms qəzetinə verdiyi müsahibədə Yəmən müharibəsi ilə bağlı Birləşmiş Ərəb Əmirliklərində daxili ixtilafların şiddətlənməsindən söz açıb və deyib: Əbu Dəbi başçıları digər 6 əmirliyin başçıları ilə məsləhətləşmədən, Yəmənə ordu qüvvələri göndərib. Və bu gün, Yəmən müharibəsinin başlanmasından 3 ilin keçməsinə baxmayaraq, hələ də kiçik əmirliklərin hərbçiləri Yəmənə göndərilir və orada həlak olurlar. 

Raşid bin Həməd Əl-Şərqinin dediyinə görə, Yəmən müharibəsində həlak olanların çoxu barədə ictimaiyyət məlumatlandırılmır. Və davamlı olaraq Yəmən müharibəsindəki itkilərin 100-dən az olduğunu təkrarlayırlar.