Sionist rejim hərbçiləri Qəzzə zolağının Xan Yunus şəhərinin şərqindəki sərhəd zolağında keçirilən "Qayıdış haqqı" aksiyasının iştirakçılarına basqın edərək, daha iki fələstinlini şəhid ediblər.

Fələstinin səhiyyə nazirliyi bildirib ki, dünən Xan Yunusun şərqində sionist rejim hərbçiləri tərəfindən baş nahiyəsindən hədəfə alınmış 43 yaşlı Qazi Muhəmməd Əbu Mustəfa şəhid olubdur.

Digər tərəfdən, bir azyaşlı fələstinli uşaq da dünən sionist rejim hərbçiləri tərəfindən hədəfə alınaraq, şəhid olubdur.

Fələstinin səhiyyə nazirliyi həmçinin bildirib ki, martın otuzunda "Qayıdış haqqı" aksiyalarının başlanmasından bəri fələstinli şəhidlərin sayı 154-ə, yaralıların miqdarı isə on altı min 750 nəfərə çatıbdır.