İsrailin qanunsuz qəsəbələri işi ilə bağlı məsul şəxs Mötəz Bəşarət İsrailin İordan çayının qərb sahilində fələstinlilərə aid olan yüzlərlə hektar ərazinin müsadirə olunmasından xəbər verib.

İRNA-nın məlumatına görə, Mötəz Bəşarət İordan çayının qərb sahilində yerləşən şimali Əğvar məntəqəsində etdiyi çıxışında İsrail rejiminin müsadirə etdiyi ərazilərin 38 fələstinli ailəyə aid olduğunu bildirib və deyib: İsrail bu məntəqə sakinlərini evlərini boşaltmağa məcbur edib.

Bundan öncə də sionistlər şimali Əğvar məntəqəsinin bəzi ərazilərini sionistlər üçün yeni yaşayış massivlərinin salınması üçün müsadirə etmiş, fələstinliləri öz evlərini boşaltmağa məcbur etmişdi.

Şimali Əğvar məntəqəsi 1622 kvadrat kilometrlik bir əraziyə malikdir və İsrail rejimi bütün bu əraziləri işğal etmək niyyətindədir.