Ərəbistan qırıcıları Yəmənin Sədə vilayətində yerləşən Zəhya şəhərində içərisində uşaq olan avtobusu raket ilə hədəfə alıblar.

İRNA-nın məlumatına görə, Yəmənin tibb mənbələri cümə axşamı bildiriblər : Ərəbistan qırıcıları Zəhya şəhərində yəmənli uşaqları daşıyan avtobusu hədəfə alıblar. Nəticədə 39 nəfər şəhid olub, 51 nəfər də yaralanıb. Hadisə qurbanları əsasən uşaqlardırlar.

Yəmən mənbələri həmçinin, Əl-Hüdəydə şəhərində iki yəmənlinin Ərəbistan qırıcılarının hücumları zamanı şəhid olmasından xəbər veriblər.

Ərəbitan qırıcıları ötən həftə də Əl-Hüdəydə şəhərində balıq bazarı və Əs-Surə xəstəxanasını hədəfə alaraq, təqribən 60 nəfəri şəhid etmiş, 100-dən çox adamı yaralamışdılar.