Yəmənin səhiyyə nazirliyi xəbər veribdir ki, ötən bir il ərzində əksər hissəsini uşaqlar təşkil edən 141 nəfər difteriya xəstəliyinə yoluxmaq ucbatından həyatını itirib.

Yəmənin səhiyyə nazirliyi bu gün bir bəyanat yayaraq bildirib ki, bu ölkədə difteriya xəstəliyinə yoluxanların sayı indiyədək 2570 nəfəri ötüb keçibdir.

Bəyanatda sonra deyilir: Yəməndə vəba və difteriya xəstəliklərinin yayılmasının başlıca səbəbi, Ərəbistanın başçılığı altında olan təcavüzkar koalisiyanın Yəmən xalqına qarşı törətdiyi müharibədir.

Ümumdünya Səhiyyə Təşkilatı bundan öncə bir bəyanatda bildirmişdi ki, təqribən 16 milyon yəmənli səhiyyə yardımlarına ehtiyac duyur və vəba xəstəliyindən əlavə, difteriya xəstəliyinə yoluxma üzrə yüzlərlə hal bu ölkənin 22 əyalətindən 15-də müşahidə olunubdur ki, bu xəstəliyə yoluxanlardan onlarla nəfərin həyatı ölümlə nəticələnibdir.