Yəmənin Ali İnqilab Komitəsinin sədri ABŞ-ın Ərəbistanın başçılıq etdiyi koalisiya qüvvələrinin Yəmənə olan hücumları dayandırmasına dair çağırışının real olmadığını deyib.

Əl-Aləm kanalının məlumatına görə, Məhəmməd Əli Husi Yəmənə qarşı təcavüzkar koalisiyaya elə amerikalıların başçılıq etdiyini deyərək, vurğulayıb: ABŞ bu jest ilə məsuliyyətdən boyun qaçırtmağa çalışır. 

ABŞ dövlət katibi Mayk Pompeo Yəməndə müharibənin sonlandırılmasını istəyib. Halbuki, Vaşinqton Ərəbistanı hərtərəfli formada himayə edərək, Ali-Səudun Yəmənə olan hücumlarına siyasi, hərbi və tədarükat baxımından yardım edir. Ərəbistanın Yəməni məhv etmək üçün istifadə etdiyi silahları da Ali-Səud rejiminə verən elə amerikalılardır.