Çərşənbə axşamı səhər saatlarında Kabilin qərbində törədilən terror aktında 4 təhlükəsizlik qüvvəsi həlak olub.

İRİB-nin verdiyi məlumata görə, Əfqanıstanın Daxili İşlər Nazirliyinin sözçüsü Nəcib Daneş deyib: Terrorçu kamikadze idarə etdiyi avtomobil ilə Kabil vilayətinin Yəğman qəsəbəsində təhlükəsizlik qüvvələrinin avtomobil karvanına hücum edib. Avtomobildə bomba olduğu üçün güclü partlayış baş verib. Nəticədə 4 təhlükəsizlik qüvvəsi həlak olub, 6  nəfər isə  yaralanıb.

Əfqanıstanın Daxili İşlər Nazirliyinin sözçüsünün müavini Nüsrət Rəhimi də deyib: Hadisə qurbanlarının sayı dəyişə bilər.