İsrailin keçmiş müharibə naziri baş nazir Benyamin Netanyahunun və onun nazirlər kabinetinin Fələstinin müqavimət qrupları qarşısında təslim olduğunu deyib.

Əl-Aləm kanalının bildirdiyinə görə, Aviqdor Liberman Fələstinin İslam Müqaviməti Hərəkatı Həmasa maliyyə yardımlarının göndərilməsi və "Qayıdış Haqqı" yürüşlərinin davam etməsini Qəzzə müqaviməti qarşısında təslimçilik adlandırıb və deyib: Fələstinlilərin 10 min nəfərlik aksiyası Təl-Əvivin bu kimi müqavimət addımlarını önləməkdə aciz olmasından xəbər verir.

Aviqdor Liberman 14 noyabr 2018-ci ildə Həmas-ın işğal edilmiş Fələstinə qarşı müqavimət əməliyyatlarının ardınca istefa verdi.

İsrailin sabiq müharibə naziri Qəzzə ilə atəşkəsə qarşı idi. Fələstinli qruplar müqavimətin raket hücumlarının ardınca İsrailin bu atəşkəsi qəbul etməyə məcbur olduğunu deyirlər.