Suriyanın BMT-dəki nümayəndəsi İsrailin Suriyaya olan hücumlarının davam etməsini ABŞ, Fransa və Britaniyanın bu cinayətkar və qeyri-qanuni rejimi hərtərəfli formada himayə etməsi habelə, Təhlükəsizlik Şurasının öz vəzifəsinə əməl etməməsinin nəticəsi adlandırıb və deyib: İsrail rejimi terrorçuları dəstəkləmək məqsədilə Suriyaya hücum edir.

İRNA-nın məlumatına görə, Bəşşar Cəfəri çərşənbə axşamı Təhlükəsizlik Şurasının Yaxın Şərqlə bağlı iclasında deyib: Artıq bu şuranın sionist rejimin Suriyaya olan hücumlarını dayandırmaq üçün lazımi tədbirlər görməsi zamanı çatıb. 

Suriyanın BMT-dəki nümayəndəsi həmçinin, Cövlan yüksəkliklərinin sionist rejim tərəfindən işğal edilməsinə işarə edərək, deyib: İşğalçı rejimin Suriyanın Cövlan yüksəkliklərindəki vəziyyəti dəyişmək üzrə səyləri nəticəsiz qalacaq. 

Bəşşar Cəfəri həmçinin deyib: Cövlan yüksəkliklərinin Suriya ərazisi olduğu inkaredilməz bir həqiqətdir və işğal edilmiş bu ərazilər tam formada Suriya xalqına qaytarılmalıdır.