Minlərlə yəmənli Sədə şəhərində "Şəhid günü" münasibətilə təşkil edilən aksiyada iştirak edib.

Əl-Aləm kanalının verdiyi məlumata görə, yəmənlilər hər ilin bu günündə geniş yürüşlər təşkil edərək, şəhidlərin yolunun davam etdirilməsinə, düşmən qarşısında müqavimət və mübarizəyə təkid edirlər. Yəmənlilər həmçinin, mühasirə və hücumların Yəmən xalqını müstəqillik yolundan döndərə bilməyəcəyinə təkid ediblər. Səudiyyə - Amerikan koalisiyasının Yəmənə qarşı başlatdığı müharibədən 1400 gün keçməsinə baxmayaraq, yəmənlilər düşmən qarşısında təslim olmaq istəmirlər. Statistik məlumatlara görə, bu müddət ərzində 40546 yəməli ölüb və yaralanıb.