Yəmənin Təiz vilayətində yerləşən Əl-Məxa şəhərində baş verən partlayış nəticəsində 42 yəmənli ölüb və yaralanıb.

İSNA-nın məlumatına görə, bu  hadisə bomba quraşdırılmış bir motorsikletin Əl-Məxa şəhərində bir restoranın yaxınlığında partlaması nəticəsində baş verib. Nəticədə 6 nəfər ölüb, 36 nəfər yaralanıb.

Əl-Məxa strateji əhəmiyyətli Babül-Məndəb boğazından 75 kilometr aralıda yerləşir və istefada olan prezident Əbdürrəbbə Mənsur Hadiyə bağlı qüvvələrin nəzarəti altındadır.

Bu məlumata görə, hadisə nəticəsində ölənlər arasında Birləşmiş Ərəb Əmirliklərinin Əbu-Dəbi informasiya kanalının iki jurnalisti də var. Hələ ki, bu partlayışın məsuliyyətini üzərinə götürən olmayıb.