Suriya İnsan Haqları Gözətçisi bazar ertəsi günü Amerikan koalisiyasının Suriyanın Deyrəzzur vilayətində, Bağur kəndinə qarşı hava hücumları zamanı 16 nəfərin həlak olmasından xəbər verib.

Əl-Aləm kanalının bildirdiyinə görə, Amerikan koalisiyasının qırıcı təyyarələri bazar ertəsi günü axşam saatlarında bu kəndi bombardman ediblər. 

Yerli mənbələr bu hücumlarda 4 nəfərin öldüyünü elan etmişdilər. 

Suriya hökuməti dəfələrlə BMT-nin baş katibinə və Təhlükəsizlik Şurasının sədrinə məktub ünvanlayaraq, ABŞ-ın başçılıq etdiyi koalisiyanın Suriyaya olan hücumlarının dayandırılmasını istəyib. 

ABŞ-ın başçılıq etdiyi koalisiya qüvvələrinin İraq və Suriyaya hücumlarını monitorinq edən qrupun bildirdiyinə görə, 2014-cü ildən bəri bu hücumlarda 5 mindən çox mülki həyatını itirib. 

ABŞ ötən illərdə dəfələrlə terrorçulara qarşı mübarizə adı altında Suriya və İraqda mülki əhalini hədəfə alıb.