İraq Xarici İşlər Nazirliyinin sözçüsü dünən gecə bu ölkənin xarici işlər naziri Muhəmməd Əli Əlhəkimin İran İslam Respublikasının xarici işlər naziri Məhəmməd Cavad Zəriflə telefon söhbətindən xəbər verib.

Əhməd Əlsəhhaf bildirib ki, Əlhəkim və Zərif bu telefon söhbətində ikitərəfli əlaqələr və son region olayları ətrafında fikir mübadiləsi aparıblar.

İraq Xarici İşlər Nazirliyinin sözçüsü əlavə edib: İki tərəf həmçinin İran İslam Respublikasının prezidenti Həsən Ruhaninin qarşıdakı həftədə İraqa olacaq səfəri məsələsini nəzərdən keçirib.

İran İslam Respublikası prezidenti gələn həftənin bazar ertəsi günü İraqa səfər etməlidir.

İraq prezidenti Bərhəm Salih bundan öncə İran İslam Respublikası prezidentinin Bağdada olacaq qarşıdakı səfərini mühüm adlandırmışdı.

İran İslam Respublikası və İraq son dərəcə yaxşı əlaqələrə malikdirlər.