BMT-nin Əhali Fondu Yəməndə səhiyyə və müalicə mərkəzlərinin bağlanması və maliyyə mənbələri çatışmazlığına görə, bu ölkədə 48 min hamilə qadının ölüm təhlükəsi haqda xəbərdarlıq edib.

BMT-nin Əhali Fondunun icraçı direktoru Nataliya Kanem Nyu-York vaxtı ilə dünən gecə bir açıqlamada bildirib ki, Yəməndə 48 min hamilə qadının həyatını xilas etmək üçün cari milad ilinin sonunadək 59 milyon dollar dəyərində təcili maliyyə yardımı vacibdir.

Yəmən beş ildən çoxdur ki, səud koalisiyasının hücumlarının atəşi altındadır və bu müddət ərzində minlərlə yəmənlinin ölməsi və yaralanmasından əlavə, bu ölkənin infrastrukturları, xüsusən onun tibb və səhiyyə infrastrukturları məhv olub və ya son dərəcə ziyan çəkibdir.

Hazırda koronavirusun və digər xəstəliklərin yayılması ilə Yəmən xalqını daha faciəli bir şərait gözləyir.

YƏMƏNDƏ 48 MİN HAMİLƏ QADININ ÖLÜM XƏTƏRİ HAQDA BMT-DƏN XƏBƏRDARLIQ