Yəmən silahlı qüvvələrinin sözçüsü bu ölkə ordusunun Ərəbistanın Əbha beynəlxalq hava limanına qarşı PUA hücumundan xəbər verib.

SəhərAzəri xəbər verir, Yəhya Əlsərii bildirib ki, bu gün səhərçağı Yəmənin «Səmad-3» tipli bir neçə PUA-sı Ərəbistanın cənubunda yerləşən Əsir vilayətinin Əbha beynəlxalq hava limanındakı hədəfləri nişan alıb: bu da onun bir neçə saat bağlanmasına bais olubdur.

Əlsəri vurğulayıb ki, bu hücum təcavüzkar səud qüvvələrinin intensiv hücumlarına və böyük Yəmən xalqına qarşı davamlı mühasirəyə olan təbii cavabdır.

Ötən həftə də media mənbələri Yəmənin ordu və xalq komitələrinin Əbha beynəlxalq hava limanına qarşı hücumlarından xəbər vermişdilər.

Əbha hava limanı səud koalisiyasının Yəmənə qarşı hücumlarında istifadə edilən qırıcılara yanacaqdoldurma və xidmət məkanıdır.