Bəhreynlilər 14 fevral qiyamının onuncu ildönümü ərəfəsində aksiya keçiriblər
Fev 13, 2021 17:45 Asia/Baku
Bəhreyn xalqı bu ölkənin müxtəlif bölgələrində 2011-ci il 14 fevral qiyamının onuncu ildönümü münasibətilə kütləvi etiraz aksiyası keçirib.
SəhərAzəri xəbər verir, Bəhreynin Əl-Vifaq İslami Cəmiyyəti bu partiyanın Tvitter səhifəsində Bəhreyn xalqının dünənki aksiyalarının görüntülərini yayaraq, yazıb: "Etirazçılar, şəhidlər ailəsi ilə həmrəylik və Ali-Xəlifə rejiminin repressiyaslarını qınayan məzmunlu plakatlar daşıyırdılar".
Bəhreynin "14 Fevral Koalisiyası" Hərəkatı bir bəyanatda, bu ölkə xalqı inqilabının onuncu ildönümünün gəlib çatması münasibəti ilə Manamada hakim olan siyasi quruluşu kökündən dəyişmək üçün bütün qrupları və Bəhreyn xalqını bir olmağa çağırıb.
