Əfrin ətrafında partlayış; tələfat var
İyun 15, 2021 22:55 Asia/Baku
Suriyanın Hələb vilayətində yerləşən Əfrin rayonunun ətrafında bomba qoyulmuş avtomobilin partlaması nəticəsində bir neçə nəfər ölüb və yaralanıb.
SəhərAzəri-nin məlumatına əsasən, bu gün günortaçağı Əfrin rayonunun ətrafında yerləşən və Türkiyə ilə onun tabeliyindəki yaraqlı qrupların nəzarəti altında olan bölgələrdən sayılan Kəfərcnə kəndində bomba qoyulmuş bir avtomobil partlayıb.
Partlayışda iki nəfər, o sıradan bomba qoyulmuş avtomobilin sürücüsü ölüb, həmin məkanda olan dörd nəfər isə yaralanıbdır.
Suriyanın şimalında Türkiyənin nəzarəti altında olan bölgələr son aylar çox sayda partlayışın şahidi olublar. Həmin hadisələrdə onlarla nəfər ölüb və yaralanıbdır.
