Fələstin mediaları sionist rejim ordusunun hərbçiləri ilə toqquşmadan və bu ordunun qərb sahilində yerləşən Nur-əl-Şəms düşərgəsinə qarşı geniş hücumu zamanı Beyt-Ləhmdə otuz bir fələstinlinin yaralanmasından xəbər veriblər.

Sionist rejim hərbçiləri dünən gecə qərb sahilində yerləşən Beyt-Ləhmə hücum zamanı fələstinli gənclərlə toqquşublar. Nəticədə otuz bir fələstinli yaralanıb.

«Fələstin Əlyəum» telekanalı da Tulkərmin şərqində yerləşən Nur-əl-Şəms düşərgəsinin sionist rejim ordusunun hərbçiləri tərəfindən mühasirə olunduğunu və sionistlərin həmin bölgəyə köməkçi qüvvələr göndərdiklərini bildirib.

Sionist rejim hərbçilərinin qərb sahilinin müxtəlif bölgələrinə qarşı hücumları dünən gecə də davam edib- deyən «Fələstin Əlyəum» qeyd edibdir ki: Müqavimətin Tubasda və Nur-əl-Şəms düşərgəsinin ətrafında sionist qəsbkarlarla ardıcıl döyüşləri davam edir.