Ermənistanda koronavirusa yoluxanların sayı artdı
May 02, 2020 15:33 Asia/Baku
Şənbə gününə olan məlumata əsasən Ermənistanda koronavirusa daha 125 nəfər yoluxaraq, xəstələrin sayı 2273 nəfərə çatıb.
Ermənistan Səhiyyə Nazirliyinin mənbələri bildirirlər ki, yenicə koronavirusa yoluxanlardan 33 nəfəri xəstəxanaya yerləşdirilib.
İnfesksiyala Nəzarət üzrə Dövlət Mərkəzinin məlumatına görə isə pandemiyanın Ermənistana ayaq açdığı gündən indiyədək məcmuda 23142 nəfərin üzərində test aparılıb.
Məlumatda qeyd olunur ki, Ermənistanda hələlik mayın 14-dək fövqəladə vəziyyət davam edəcək, ancaq bu müddət uzadıla bilər.
Koronavirusdan ölənlərin sayına gəlincə isə onların 33 nəfərə çatdığı bildirilir.
ERMƏNİSTANDA COVID-19-A YOLUXANLARIN SAYI ARTDI
