rmənistanın baş naziri Nikol Paşinyan deyib ki, İrəvan Qarabağda müharibəni dayandırmaq üçün vaxtında qərara gəldi.

SəhərAzəri xəbər verir, Paşinyan dünən «Rossiya 1» telekanalı ilə müsahibədə bildirib ki, əgər Qarabağ sülh razılaşması imzalanmasaydı, vəziyyət daha pis və daha ağır olacaqdı.

O, deyib ki, bu razılaşma ölkəsinin gələcək inkişafı üçün təsirli rola malik olacaq.

Moskva vaxtı ilə noyabrın onu səhər tezdən etibarən tam atəşkəsin həyata keçirilməsi və Qarabağ döyüş bölgəsində düşmənçiliklərin aradan qaldırılması üzrə Qarabağ sülh razılaşması Azərbaycan Respublikasının prezidenti İlham Əliyev, Ermənistanın baş naziri Nikol Paşinyan və Rusiya prezidenti Vladimir Putin tərəfindən imzalandı.