Ermənistanın XİN başçısı Azərbaycan prezidenti ilə razıdır!
“10 noyanr üçtərəfli bəyanatı tam yerinə yetirilməyib”
Ermənistanın xarici işlər naziri 10 noyabr üçtərəfli bəyanatının tam yerinə yetirilmədiyini təsdiqləyib və erməni əsirləri məsələsinin həll olunmadığına etiraz edib.
SəhərAzəri-nin məlumatına əsasən, Ararat Mirzoyan Azərbaycan prezidentinin 2020-ci il noyabrın 10-da üçtərəfli bəyanatın imzalanmasından il yarım keçməsinə baxmayaraq, onun tam yerinə yetirilməməsi barədə bəyanatını şərh edərkən deyib ki, regional nəqliyyat kommunikasiyalarının blokdan çıxarılması məsələsi hələ də həllini tapmayıb. Azərbaycan təkcə üçtərəfli bəyannamə üzrə üzərinə götürdüyü öhdəlikləri deyil, həm də beynəlxalq humanitar hüquq normalarını pozaraq, erməni hərbi əsirləri, mülki şəxsləri girov və alver vasitəsi kimi qanunsuz olaraq həbs etməkdə davam edir.
Mirzoyan Bakıda saxlanılan erməni hərbi əsirləri və mülki şəxsləri xatırladaraq, əlavə edib: "Bu tələbi Azərbaycana təkcə Ermənistan deyil, bütün sivil dünya təqdim edib. Üstəlik, Azərbaycan faktiki olaraq üçtərəfli bəyanatın əsas məqamlarından birini təkzib edir, Dağlıq Qarabağın olmadığını, heç bir problemin olmadığını əsas gətirir. Halbuki Azərbaycan prezidenti üçtərəfli bəyanatda öz imzası ilə Dağlıq Qarabağın bir qurum olduğunu təsdiqləyib. Və nə qədər ki, üçtərəfli bəyanat var, bu məsələyə göz yummaq olmaz”, - deyə o, bildirib.
