Ermənistan-Azərbaycan danışıqları ilə müqayisədə
Ermənistan-Türkiyə danışıqları daha sürətlə davam etdirilir
Türkiyə-Ermənistan münasibətlərini normallaşdırmaq üçün siyasi iradə və real addımlar lazımdır.Bunu Ermənistanın xarici işlər naziri Ararat Mirzoyan Yunanıstanın “Kathimerini” nəşrinə müsahibəsində deyib.
SəhərAzəri-nin məlumatına əsasən,Morzoyan, iki ölkənin xüsusi nümayəndələr təyin etdiyini, şərt irəli sürmədən ölkələrin sərhədlərin açılması və diplomatik münasibətlərin qurulmasına yönəlik proseslə bağlı 4 görüşün keçirildiyini xatırladıb.
“Prosesə pozitiv dinamika vermək üçün Türkiyə XİN başçısının təklifini qəbul edərək Antalyada keçirilən diplomatik foruma qatıldım və onunla forum çərçivəsində görüşdüm”, - Mirzoyan əlavə edib.
Xatırladaq ki, Türkiyə və Ermənistan xüsusi nümayəndələri Sərdar Kılıç və Ruben Rubinyan sonuncu dəfə iyulun 1-də Vyanada görüşüblər.
