Tiflisdə aksiyaya qarşı əməliyyat keçirilib
Səhərə yaxın polis Çavçavadze prospektində, Tbilisi Dövlət Universiteti (TDU) yaxınlığında aksiya iştirakçılarını dağıdıb.
Hadisə yerində olan Meydan TV əməkdaşının sözlərinə görə, çoxlu sayda polis, xüsusi təyinatlı, robokop və su şırnaqları əraziyə səfərbər edilib.
Daxili İşlər Nazirliyi bəyanat yayıb ki, etirazçılara yolu təmizləmək üçün 15 dəqiqə vaxt verilib.
Müxalifət nümayəndələri vətəndaşlarla birlikdə ikinci gecəni TDU-nun birinci korpusunun yaxınlığında keçiriblər.
Deyilənlərə görə polis Melikişvili prospektində keçirilən aksiya iştirakçılarını dağıdarkən təxminən 10 nəfəri həbs edib.
Qeyd edək ki, oktyabrın 26-da keçirilən parlament seçkilərini saxta hesab edən və təkrar seçkilərin keçirilməsini tələb edən aksiya iştirakçıları Çavçavadze prospektində çadır qurublar.
