Ermənistanın baş naziri Vaşinqtondan mesajlar verir
Paşinyan ABŞ ilə strateji tərəfdaşlığın vacibliyini iddia edib
Ermənistanın baş naziri Nikol Paşinyan ABŞ Senatı və Konqresinin nümayəndələri ilə görüşüb.
Bu məlumata əsasən, görüşdə Ermənistan-Azərbaycan sülh prosesi, regional kommunikasiya marşrutlarının açılması imkanları, həmçinin ikitərəfli və çoxtərəfli formatda əməkdaşlığın inkişaf etdirilməsi perspektivləri müzakirə edilib.
Baş nazir Paşinyan bildirib ki, Ermənistan və ABŞ arasında strateji tərəfdaşlıq haqqında sənədin imzalanmas vacib idi və Ermənistan hökuməti ABŞ ilə bütün sahələrdə əməkdaşlığı dərinləşdirmək və genişləndirmək öhdəliyinə sadiq qalacaq.
Paşinyan Ermənistan hökumətinin sülh gündəliyinə sadiq olduğunu bir daha təsdiqləyib və Cənubi Qafqazda sabitliyin möhkəmləndirilməsində ABŞ-ın rolunun vacibliyindən danışıb.
Qeyd edək ki, ABŞ daxil olmaqla regiondan kənar güclərin Cənubi Qafqaz məsələlərinə qarışması vəziyyəti yalnız mürəkkəbləşdirir, ölkələr arasında real əməkdaşlığa kölgə salır.
