Avropanın “geriqayıdış”dakı hərəkəti qanunsuzdur
Rusiya Xarici işlər Nazirliyi bir bəyanatda İngiltərə, Almaniya və Fransanın “geriqayıdış” adlandırılan mexanizmdə BMT Təhlükəsizlik Şurasının İran əleyhinə oaln sanksiyalarının geri qaytarılması üzrə hərəkətlərini qanunsuz adlandırıb və onu kəskin tərzdə pisləyib.
Bu gün yayılan rəsmi bəyanatda deyilir: Avropalıların 2231 saylı qətnamənin 11-ci bəndinə əsasən, nüvə anlaşmasının 36-cı bəndində nəzərdə tutulan ixtilafın müştərək komissiyada həll edilməsi mərhələsindən yan keçməklə BMT Təhlükəsizlik Şurasına “şikayət” təqdim etməyə haqları yoxdur.
Rusiya Xarici işlər Nazirliyi vurğulayıb: Üç Avropa ölkəsinin bu sahədə bütün lazımi tədbirləri görmələrinə dair iddiaları həqiqətə uyğun deyil.
Bəyanatda qeyd olunur ki: Nüvə anlaşması üzrə müştərək komissiyanın/ Avropanın iddialarını araşdırmaq üzrə iclası 14 yanvar 2020-ci il tarixində təşkil edilmədi və nüvə anlaşmasının 36-cı bəndində nəzərdə tutulan ixtilafın müştərək komissiyada həll edilməsi mexanizmi fəal olmadı.
Bəyanatda əlavə olunur: Bu məsələ, xüsusən də 14 və 24 yanvar 2020-ci il tarixlərində birbaşa şəkildə Rusiya Xarici işlər Nazirliyi tərəfindən bəyan edilib, lakin bizim avropalı müxaliflərimiz onu xatırlamamağa üstünlük verirlər.
Rusiya Xarici işlər Nazirliyi vurğulayıb: Biz BMT baş katibinin 2231 saylı qətnamənin icrası barədəki məlumatlarının araşdırılmasına həsr olunan iclaslarda dəfələrlə bu haqda izahatlar təqdim etmişik
