İŞİD-in tabeliyində olan bir ekstremist qrup Qəzzə zolağından işğal olunmuş Fələstinin cənubuna tərəf raketlərin atılması məsuliyyətini üzərinə götürüb.

Səhər kanalının Əlməyadin telekanalına istinadlı məlumatına görə, "Ömər Hədid Batalyonu" adlı ifratçı qrup sosial şəbəkələrdə bir bəyanat yayaraq, Qəzzə zolağından raketlərin atılması məsuliyyətini üzərinə götürüb.
Bu qrup bildirib ki, Həmas hərəkatının İŞİD-in Qəzzə zolağındakı tərəfdarlarından olan Yunis Əlhənərin öldürülməsindəki hərəkətinin intiqamını almaq üçün raketləri atıbdır. İki raket bu gün səhər saat on birdə Qəzzə zolağından işğal olunmuş Fələstinə atılıb, amma bir kəsə xəsarət dəyməyib.