Səudiyyə Ərəbistanı Müdafiə Nazirliyi bu ölkənin hərbi hava qüvvələrinin komandanı general Məhəmməd İbn Əhməd əl-Şəlanın ölümünün səbəbini infarkt adlandırıb.

Səhər Beynəlxalq Televiziyasının məlumatına görə, bu xəbər elə bir halda yayılıb ki, Səudiyyə Ərəbistanı 76 gündür Yəmənin istefa vermiş fərari prezidentini geri qaytarmaq bəhanəsi ilə bu ölkənin müxtəlif bölgələrini bombardman edir. Bu arada Yəmənin infrastrukturları, məzlum və müdafiəsiz yəmənlilərin şəhid olmasında daha çox Ərəbistanın hərbi hava qüvvələri rol oynayıblar.
Ərəbistan Müdafiə Nazirliyi qısa bir bəyanatda Yəmənə təcavüzün əsas məsulu olan Ərəbistan Hərbi Hava Qüvvələri komdanının ölüm xəbərini yayımlayıb.
Ərəbistan Müdafiə Nazirliyinin bəyanatında bildirilir: Cərrahiyyə əməliyyatı üçün xaricə gedən bu ölkənin HHQ komandanı Məhəmməd İbn Əhməd əl-Şəaln infarkt nəticəsində vəfat edib.
Bu bəyanatda əl-Şəlanın cərrahiyyə əməliyyatının detalları və yaxud bu əməliyyat üçün hansı ölkəyə səfər etməsinə münasibət bildirilməyib.