Yəmən mənbələri Səudiyyə Ərəbistanı qırıcı təyyarələrinin Yəmənin müxtəlif bölgələrinə hücumlarında ən azı 9 nəfər, o cümlədən bir uşağın şəhid olduğunu bildiriblər.

Səhər Beynəlxalq Televiziyasının verdiyi məlumata görə, əl-Məsirə televiziyası Səudiyyə Ərəbistanı qırıcı təyyarələrinin Həmdanda Beyt Nəəm və əl-Qərzə bölgələrinə hücumlar etdiyini bildirib. Bu hücumlar nəticəsində bir uşaq şəhid olub, 4 nəfər də yaralanıb.
Səudiyyə qırıcıları həmçinin Dimacda yaşayış massivlərini bombardman ediblər. Bu hücum nəticəsində də 8 nəfər şəhid olub.
Ərəbistan qırıcıları şənbə günü Yəmənin şimalında əl-Hutə şəhərini 5 dəfə bombardman ediblər. Bu hücumlardan birində şəhər xəstəxanası hədəfə alınıb.
Ərəbistanın cinayətlərinə reaksiyada Yəmən ordusu və xalq qüvvələri də Ərəbistanın Nəcrandakı hərbi bazasını bir neçə raketlə hədəfə alıblar.