SAHAR

BMT-nin Uşaq Fondu YUNİSEF Ərəbistanın Yəmən ərazisinə hava hücumları nəticəsində təxminən 280 uşağın həlak olduğunu bildirib.

Səhər Beynəlxalq Televiziyasının Rusiya əl-Youm telekanalına istinadla verdiyi məlumata görə, BMT Uşaq Fondunun nümayəndəsi Culian Harniş deyib: Ərəbistanın Yəmən ərazisinə hava təcavüzündən həlak olan yəmənli uşaqların sayı 2014-cü ildə bu ölkədə həlak olanlardan 4 dəfə çoxdur.
Harniş əlavə edib: Ərəbistanın Yəmənə hava hücumlarında ən azı indiyə qədər 279 yəmənli uşaq həlak olub, 402 uşaq da yaralanıb. Halbuki ötən il Yəməndəki de-stabil vəziyyət nəticəsində 74 uşaq həlak olub, 244 uşaq da yaralanıb.
Bu arada İnsan Haqları Komissarlığının sözçüsü Robert Kloyl bildirib: İyununun 11-dən 15-ə qədər təxminən 50 Yəmən vətəndaşı, o cümlədən 18 uşaq, 11 qadın Ərəbistanın hava hücumları nəticəsində həlak olub.
Kloyl deyib: Ərəbistanın Yəmənə hava hücumları başlandıqdan sonra 1412 yəmənli həlak olub və 3423 nəfər də yaralanıb.
Ərəbistan ötən mart ayının 26-dan ABŞ-la əlbir olaraq Yəmənin müxtəlif bölgələrinə hava hücumları edib və bu hücumlar indiyə qədər minlərlə insanın həyatına son qoyub və minlərlə nəfərin də yaralanmasına səbəb olub.