SAHAR

Küveytdə bir təhlükəsizlik dairəsi İŞİD terrroq qruplaşmasının bir qrup tərəfdarının həbs olunduğunu bildirib.

Səhər Beynəlxalq Televiziyasının Qətərin əl-Şərq portalına istinadla verdiyi məlumata görə, Küveytin bir təhlükəsizlik dairəsi bildirib ki, təhlükəsizlik qüvvələri cümə günü paytaxt Küveytdə şiələrin məscidinə terror hücumundan bir neçə saat sonra İŞİD terror qruplaşmasının tərəfdarlarından təxminən 18 nəfəri həbs ediblər.
Bu Küveyt dairəsi həbs olunanların kimliklərini elan etmədən onların bir müddət öncədən nəzarətdə olduğunu bildirib.
Məlumata görə, Küveyt təhlükəsizlik qüvvələri cümə günü əl-Cəhra vilayətinin Tima və əl-Səlibiyyə və Mübarək əl-Kəbir vilayətinin əl-Riqqə bölgələrində təhlükəsizlik əməliyyatı keçiriblər.
Küveyt Səhiyyə Nazirliyinin bildirdiyinə görə, cümə günü paytaxt Küveytin əl-Səvabir məntəqəsində cünə namazı qılındığı zaman İmam Sadiq (ə) məscidinə qarşı terror aktı nəticəsində 27 nəfər həlak olub, 227 nəfər yaralanıb.