İraqın insan haqları naziri terrorçu İŞİD qrupunun bu ölkədəki çoxlu sayda cinayətindən xəbər verib.

Asiya xəbər agentliyinin məlumatına görə, İraqın insan haqları naziri Muhəmməd Mehdi Əlbəyati bir mətbuat konfransında bildirib ki, terrorçu İŞİD qrupu ötən ildən bəri kütləvi qırğın, adam oğurluğu və qətl daxil olmaqla iraqlı mülkilərə qarşı insan hüquqlarının pozulması ilə bağlı təqribən dörd milyon halda cinayət törədib.
Muhəmməd Mehdi Əlbəyati əlavə edib: İŞİD qrupu son zamanlar Niynəva vilayətində mülkilərin qırğınında dəhşətli üsullardan istifadə edir və bu, Bicinin terrorçuların işğalından azad edilməsinə əsasən, həmin qrupun məğlubiyyətini və məhv olmaqda olduğunu göstərir.