SAHAR

Türkiyə ordusu Suriya ilə sərhədlərə qırıcı təyyarələri ezam edib.

Səhər Beynəlxalq Televiziyasının The Guardian qəzetinə istinadla verdiyi məlumata görə, Türkiyə ordusu bir bəyanatda bildirib: Bu qırıcı təyyarələr İŞİD terror qruplaşmasının hücumları ilə mübarizə məqsədilə Suriya ilə sərhədlərə ezam olunublar.
Bəyanatda bildirilir: İŞİD terrorçuları cümə axşamı gecə saat 1:30-da Türkiyənin bir sərhəd stansiyasına hücum ediblər.
Türkiyə ordusunun bildirdiyinə görə, Türkiyənin sərhəd qüvvələri də İŞİD ünsürlərinin hücumuna reaksiya verib və bir terrorçu öldürülüb.
Məlumata görə, Türkiyə hərbçiləri İŞİD-in 3 avtomobilini məhv və onların silahlarını zəbt ediblər.
Türkiyə ordusu həmçinin cümə axşamı günü iddia edib ki, iki polis zabitinin yaralanması ardınca bu ölkə ordusunun qüvvələri Suriya sərhədində İŞİD terror qruplaşmasının mövqelərinə hücum ediblər.
Çərşənbə günü də Suriya ilə sərhəddə yerləşən Şanlı Urfa vilayətinin Ceylan Pınar rayonunda iki türk polisi öldürülüb.
Türkiyədə silahlı hücumlar və terror aktlarının artması bu ölkə hökuməti və ordusuna qarşı xalq etirazlarının şiddətlənməsinə səbəb olub.